Lmentala 27. zk. / nº 27 - 2015eko urtarrila/enero 2015
Buletina posta partikularrean jaso nahi baduzu, idatzi helbide honetara: lmentala@osakidetza.eus
SAREA GARA
BOMSek bat egiten du kudeaketa bikainarekin
BOMSa osatzen duten lau erakunde ohiek sari berdinak jaso zituzten duela urte batzuk. Egindako antolakuntza-aldaketek eta gure helburuak zabaltzeak kokatu gaituzte irteera lekuan bikaintasunerako bidean, hori bai, lezio asko ikasi eta gero.
Diplomak adierazten du kudeaketa bikainari heltzeko hartu dugun konpromisoa, aldian behin auto-ebaluaketak eginez, gauzak zelan ari garen egiten ezagutzeko eta hobetzen saiatzeko; horrela gauzatzeko sarearen estrategia.
Sarea sortu zenetik, kudeaketaren eta erakundearen emaitza-nagusien arloan, bi auto-ebaluaketa egin dira eta baita bi kanpo-kontraste ere. Halatan, Sareaz kanpoko bi pertsonek, Euskalit-eko profesionalekin batera, zuzendaritzaren balorazioak egiaztatu eta euren ikuspuntua eta gomendioak eskaini dituzte, kudeaketan hobetzeko asmoarekin.
J.M eta M.L.
Argazki bilduma
“Eskuekin bakarrik”en irudiak
Kanpaina baten jarraipena izan da proiektu hau; eta “Eskuekin bakarrik” lelopean, Bizkaiko ikasleei eta irakasleei prestakuntza eman nahi zitzaien, mota honetako larrialdi bat suertatuz gero, esku hartu ahal izateko. Kanpaina futbol talde batzuetara ere hedatu zen, Athletic barne. Eta, tokiko bitxikeria moduan, esan behar da hark iradoki zuela zuri-gorrien himnoa bera erabiltzea masajearen erritmoa eramateko.
Esperientzia arrakastatsua izan da, bai parte hartzaileek lortutako etekinagatik, bai Medikuen Elkargoak hartu duen ezusteagatik, ikusita Buruko Nahaste Larria duten pertsonak ere prebentzio jardueren barruan sartu ahal izan dituela.
Irudi batzuk erantsi ditugu, Basauriko, Durangoko eta Ermuko eguneko ospitaleetan hartutakoak; eta zain geratu gara Bermeoko EOa Gernikara lekualdatu arte, zikloari amaiera emateko.
O.M.
Erlazionaturiko Artxiboak
Erlazionaturiko Loturak
Argazki bilduma
Goi-mailako psikoterapia Basauriko espetxean
Transferentzian ardazturiko psikoterapia lantzen da, eta jatorri psikoanalitikoa du, astean bi aldiz egiten da eta New Yorkeko irakasleek gainbegiraturik dago. Ikuskapena bi eratara egiten da: audio grabazioaren bidez, saio batzuetan; eta Skypen bitartez, astero.
Elida Grande psikiatrak (Osakidetzako Mendekotasun Programaren koordinatzailea Basauriko espetxean), aukera eman zien bere paziente batzuei, Nortasunaren Nahaste Larriak jotakoei, tratamendua hasteko kartzelan zeuden bitartean; gerora, behin askatasuna lortuta, jarraitu ahal izateko; eta horrela ari dira egiten, hain zuzen ere. Pazienteak gutxi dira eta prozesuan daude murgilduta; beraz, emaitzak hilabete batzuen bueltan ikusiko ditugu.
Galdakaoko Haurrentzako eta Gazteentzako Osasun Mentaleko Zentroaren XXX. urteurrena
Vital Arce (Psicólogo klinikoa Galdakaoko haurrentzako eta umeentzako OMZn )
Erlazionaturiko Artxiboak
Argazki bilduma
PROIEKTU SOLIDARIOA INDIAN
Francisco Javier Gorostiza, barne medikuntzako medikua Zamudioko Ospitalean eta Diper Fundazioko boluntarioa, egitarau garrantzitsu baten arduraduna da, Indiako baliabide urriko ume batzuk hezteko, etorkizun duina izan dezaten. Prestakuntza arloko beharrez gain, saiatzen ari dira umeen beste behar batzuk ere asetzen, janaria, arropa edo lo egiteko leku bat emanez, euren sendiei gasturik ekarri gabe. Proiektu hau finantzatzeko gure laguntza eskatzen dute, 2015eko egutegiak erosiz bost euroren truke. Badituzte kamisetak ere; gorriak, berdeak, beltzak eta zuriak; neurri honetakoak: S, M, L, XL eta XXL. Otsaileko alean informazio zehatzago emango dugu proiektuari buruz.
Eskabidea zuzenean egin ahal diozu Gorostiza Doktoreari:
FRANCISCOJAVIER.GOROSTIZAMANZANEDO@osakidetza.net edo Sareko Erantzukizun Sozialaren Batzordearen helbide elektronikoan:
BOMS.RESPONSABILIDADSOCIAL@OSAKIDETZA.NET
J.M.
Erlazionaturiko Loturak
EX CATHEDRA
BOMSaren Lehenengo Prestakuntza Jardunaldia
Lehengo mahian berrikuntza eta sistemetako profesionalak, lan-osasunekoak eta gizarte-lanekoak, denon intereseko zeharkako gaien inguruan mintzatu ziren: sormena, informazio-sistemak, lan-istripuen protokoloa eta gizarte-lanaren gaur eguneko testuingurua. Leihoa zabaldu zuten lantzen ari diren aukera eta errealitate berrietara: horietan, uneren batean, geuk ere har dezakegu parte, edo murgilduta egon gaitezke, gure soslai profesionala edozein dela ere.
Bigarren mahaian, atentzio komunitarioko eta ospitaleetako arretako osasun arloko profesionalek gurekin partekatu zuten euren lan esperientzia, BOMSetik bultzatzen ari diren egitarauak eta metodologiak garatzerako eta ezartzerako orduan: mendekotasunekin eta sendiekin erabilitako terapia sistemikoa, sareko asistentzia-unitateetan egindako kudeaketa farmako-terapeutikoa eta OMZko erabiltzaile bati emandako Nanda Noc Nic Zainketa Plana. Horiei esker, bertatik bertara ezagutu genuen gure erabiltzaileei eta pazienteei ematen ari gatzaizkien arreta.
Lehengo jardunaldi honetako profesionalen parte hartze handiak, eta inkesten bidez emandako oniritziak (batez besteko gogobetetze maila 8koa izan da), adierazten digute jardunaldia gogo onez hartu dutela gure profesionalek.
Eskertu nahi dizuegu, berriro ere, bai bertaratutakooi bai txostengileoi, zuen parte hartzea eta egindako ahalegina sareko zentroetatik etortzeko.
Zuen zain gaude datorren urterako!
A.B. eta M.U.
María Urraza eta Ainhoa Bilbao
Argazki bilduma
BOMSa II. Topaketa Soziosanitarioan
Gizarte eta osasun arloko 300 profesional baino gehiago elkartu ziren topaketan; eta horrek aukera eskaini zien ezagutzak eta zeharkako esperientziak partekatzeko, helburu hauekin: koordinazioa hobetu, komunikazioa erraztu eta etengabeko atentzio osoa lortu, betiere pertsonarengan zentraturik.
BOMSek ekitaldian parte hartu zuen Mariasun Garayk egindako azalpenaren bitartez, izenburu honekin: “Experiencia de atención a personas sin hogar y con dificultades de salud mental en la Comarca Bilbao”, eta baita Mónica Lopezen eskutik ere. Horrek jardunaldiak itxi zituen emaitzen aurkezpenarekin; horretan bildu zituen era originalean eta grafikoan ezagutzera emandako komunikazio guztiak.
Erlazionaturiko Artxiboak
Erlazionaturiko Loturak
Argazki bilduma
“Zaintzak integratzen”. Euskadiko Erizaintzako laguntzaileen IV. Jardunaldiak
David Barrena Luque izan da gure ordezkaria; gaur egun Erizaintzako Laguntzailea-monitorea da Areetako Eguneko Ospitalean, eta txosten hau aurkeztu zuen: “Trabajando la recuperación: La figura del monitor de salud mental en un equipo interdisciplinar”.
Txosten honetan David errekuperazioari buruz aritu zen, hori baita gure eguneko ospitaleetan lortu nahi den helburua; eta horrekin batera, zehatzago aipatu zituen erizaintzako laguntzaileek-monitoreek aurrera eramaten duten eguneroko lanaren gorabeherak, zentro hauetan artatzen dituzten pertsonekin, Buruko Nahaste Larriak jotakoak, hain zuzen ere.
Errekuperazio ereduaren gainean azpimarratu zuen sintomen eta minusbaliotasunen kronizitatea bateragarria dela bizitza-proiektu asegarri batekin; horren ildoan, lan egiten dugu autonomia hobetzeko, bizi-helburuak lortzeko, gizarteratzeko eta sozializatzeko.
Talde-lana goraipatzeaz gain, monitore-laguntzailearen irudia zehaztu zuen, erreferentea eta jarraitzeko eredua den heinean, autonomiaren sustatzaile (erabiltzaileari dagokionez), eta jardueren antolatzaile eta laguntzaile. Horiekin batera, dinamizatzen du, aztertzen du eta artekari lana egiten du gatazketan; hori guztia entzute aktiboa, autokritika eta errespetua erabiliz. Gainera, laguntasuna (terapeutikoa) ematen du.
Txostena amaiturik “Diagnóstico: trabajador@” izenburuko bideoa proiektatu zuten.
Hemendik gure lankidea zoriondu nahi dugu, kontuan hartuta, bere hitzaldian profesional hauen eginkizuna nabarmendu zuela eta, baita gainerako lantaldeena ere; eta guztioi eman nahi dizuegu adore, errekuperazio prozesuaren ildoan lan egiten jarraitzeko.
Izaskun Eraña
Erlazionaturiko Artxiboak
-
Erizaintzako laguntzaileen IV. Jardunaldiei buruzko erreportaje fotografikoa - Trabajando la recuperación: La figura del monitor de salud mental en un equipo interdisciplinar
Erlazionaturiko Loturak
Informazio puntu bakarra BOMSaren prestakuntzarako
Zer ikusi ahal duzun?
- Prestakuntza Taldea zein den jakin eta horiekin nola jarri harremanetan.
- Prestakuntza plataforman sartu ikastaroak eskatzeko .
- Prestakuntzako albisteak kontsultatu ( horiek atoan jasotzeko alerta bat ere sor dezakezu).
- Ezagutza-biltegia: Osagunera sar zaitez link-aren bidez eta ikusi ahal izango dituzu gure profesional guztiek aurkeztutako prestakuntza-ikastaroen dokumentazioa, komunikazioak eta posterrak, izandako jardunaldietan eta biltzarretan.
- BOMSaren Prestakuntza Plana, prestakuntzaren urteko memoria, araudia eta biltzarretara eta jardunaldietara joateko eskabidearen eranskina.
Prestakuntza taldetik eskerrak eman nahi dizkizuegu irakasle lanetan aritu zareten BOMSeko profesional guztioi. Gure prestakuntza ereduaren oinarria ezagutzaren kudeaketa da, eta horren ildoan jarraitu ahal izateko zuen laguntza ezinbestekoa dugu: mila esker zuen esperientzia erakundeko gainerako profesionalekin partekatzeagatik!
Prestakuntzarekin harremanetan jar zaitez edozein zalantza edo iradokizuna helarazteko: Formazioa-BOMS@osakidetza.net
A.B. eta L.A.
Erlazionaturiko Loturak
Durangoko Maristak IKASTETXEko ikasleak praktiketan
E.G.
Erlazionaturiko Artxiboak
Erlazionaturiko Loturak
ZOTERO (II). – Hitzorduak nola sartu eta bibliografia nola sortu Zoterorekin
Lehengo tutorial txikian ikusi genuen Zotero nola instalatu eta erreferentziak nola berreskuratu edozein web lekutatik, gerora gure artxiboen kudeatzailean biltzeko.
Bigarren tutorial txiki honetan ikusiko dugu plugina nola instaltu Wordpress-en. Horrek ahalbidetuko digu hitzorduak sartzea (bildutako erreferentzietatik abiatuta) eta bibliografia sortzea.
María García-Puente. BOMSeko liburutegia.
Erlazionaturiko Artxiboak
TXOKO-BOMS
Maira Unzalu Ocari agurra
la hora del esplendor en la hierba,
de la gloria en las flores,
no hay que afligirse
porque la belleza siempre subsiste en el recuerdo.”
Mairaren betiko lagunak :
Ekarrizketa Emilio Blancori
Hil honetako elkarrizketan kultura hori gurera, Bizkaira, dakargu. Emilio Blanco, Zaldibarko Ospitaleko lankidea dugu oraingoan, Txakolindegi bateko bazkidea.
E.G.
Erlazionaturiko Artxiboak
Erlazionaturiko Loturak
PERISKOPIOA
Terapia Okupazionalaren Elkargoen Kontseilu Nagusia sortu dute
Espainiako Terapeuta Okupazionalen Elkargoen Kontseilu Nagusia organo koordinatzailea eta ordezkaria da terapeuta okupazionalen elkargo profesionalentzat edo ofizialentzat, eta autonomia-kontseiluentzat, arlo nazionalean eta nazioartekoan, lege autonomikoek autonomia-elkargoentzat eta kontseiluentzat gordetzen dituzten eskumenak salbu utzita.
Eneko Gutiérrez
Terapeuta okupazionala. EOa Barrualdeko Eskualdea
Erlazionaturiko Loturak
-
Terapeuta Okupazionalen Elkargoen Kontseilu Nagusiaren orria: - 24/2014 legea, Terapia Okupazionalaren Elkargoen Kontseilu Nagusia eratzen duena:
LEHENENGO PERTSONAN
Lezaman entrenatzen…
Eskertzekoa da Ernesto Valverderen barrualdeko instalazioak eskaini izana erosoago egon gintezen, nahiz eta berak entrenamendua ateak itxita aurreikusia zuen. Horren lekuko dira jokalari nagusiei ateratako argazkiak kanpoko zelaietan.
Athletic-eko atezain ohi Peio Aguirreoak zuzendurik, eta beroketa egin eta gero, atezainek euren postuaren oinarrizko teknikak ikasi zituzten, eta amaiera eman zioten denon “Aupa Athletic” oihuarekin, futbol-talde irudi eder batean jasota geratu dena.
Beste alde batetik, entrenatzaileak, Landerrek eta Davidek zuzendurik (Lezamako oinarrizko futboleko teknikariak) hitzaldi-saio batera joan ziren entrenamendu tekniketan sakontzeko.
Esperientzia xume baina trinko hau Athletic Fundazioarekin hitzartutako lankidetzaren ondorio da. Oraindik orain, Josean lekuek, zerbitzu medikuen buruak, eta Galder Reguerak, Fundazioko arduradunak, bisita egin zuten hurrenez hurren Barakaldoko Eguneko Ospitalera eta Bilboko Garamendiko Eguneko Ospitalera. Biek ala biek prestakuntza hitzaldiak eman zituzten zentro horietan, taldeko jokalariek lagunduta.
Erabiltzaileek eta entrenatzaileek 2015. urtean zehar egindako abegi ona kontuan hartuta, horrelako saioak prestatuko ditugu areto-futboleko txapelketako parte hartzaileentzat, bai BOMSekoentzat bai beste erakunde batzuetakoentzat (Argia, Avifes, Eragintza, San Juan de Dios eta Arabako Osasun Mentaleko Sarea).
Pertsonek eta pertsonentzat egindako egitasmoa da hau: errekuperaziorako bidean….
Laura Alonso eta Leire Fentanes
Argazki bilduma
2014/15eko areto-futboleko zentroen arteko ligako sailkapena
Taldea – Puntuak
1 BILBAO 9
2 GASTEIZ 6
3 BARAKA 6
4 MANUENE 6
5 SJD MONDRAGON 4
6 ZAMUDIO 4
7 AD GORANTZA 3
8 ERAGINTZA 3
9 URIBE KOSTA 0
10 DURANGO 0
11 ARGIA 0
12 ERMUA 0
Erlazionaturiko Loturak
BAZEN BEHIN
Psikiatriaren Klasikoak (II). Benjamin Rush
L. P.
Erlazionaturiko Artxiboak
ATSEDENALDIA
“El viaje juntos”. Paul eta Judy Karasik. Barcelona: Ediciones B, 2009
J.Me
Erlazionaturiko Artxiboak
Zoroen eta zoro-zaintzaileen txisteak haurrei eta gazteei zuzendutako prentsan. (XI) Almanaque de locos, 1963, 2. zatia
O.M.
Erlazionaturiko Artxiboak
“Soreragiten”
J.M.
Erlazionaturiko Loturak
Argazki bilduma
Ale honetan parte hartu dute:
Laura Alonso Pérez (L.A.), Garbiñe Apraiz Urigüen, Vital Arce Echevarría, Jon Barcena Moradillo, David Barrena Luque, Ainhoa Bilbao Maiza (A.B.), Emilio Blanco Trujillo, José M. Díaz Zorrozua (J.D.), Izaskun Eraña Aranaga, Leire Erkoreka Anda, José Luis Fidalgo Centeno (J.F.), Leire Fentanes Hernández, Mariasun Garay Aróstegui, María García-Puente Sánchez (M.G.), Maria Idoia Gardeazabal Garamendi, Enrique González Arza (E.G.), Élida Grande Argudo, Eneko Gutiérrez Gómez, Iñigo Igartua Atucha, Mónica López Ortiz (M.L.), Isabel Macías Romero (I.M.), Óscar Martínez Azumendi (O.M.), Josune Martínez Magunacelaya (J.M.), Juan Medrano Albéniz (J.Me.), Concepción Moreno Calvete, Luis Pacheco Yáñez (L.P.), Gaizka Portillo Benito, Rubén Torrado Nogales.